By: Dr.Zahid Sheikh
یہ دیکھ کر بھی محبت کی بات کیسے کروں
بسر سکون سے دن اور رات کیسے کروں
ہر ایک لمحہ یہاں لوگ درد سہتے ہیں
ہر ایک آنکھ سے آنسو فضاں میں بہتے ہیں
قدم قدم پہ ہیں ان کے لیے یہاں مقتل
جو سچی بات زباں سے ہمیشہ کہتے ہیں
غموں کا دور ، مصیبت ، یہ ظلم و مجبوری
بڑی ہی سخت اذیت میں لوگ رہتے ہیں
غلام ان کو خدا نے نہیں کیا پیدا
غلام بن کے کیوں انسان ظلم سہتے ہیں
مکان ہیں کہ ہیں زندہ عوام کی قبریں
تاریک و تنگ سی گلیوں میں لوگ رہتے ہیں
یہ دیکھ کر بھی محبت کی بات کیسے کروں
بسر سکون سے دن اور رات کیسے کروں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?