By: تصدیق احمد خان "تصدیق، اجمیر ہندوستان
مرحلے پیار کے دشوار نظر آتے ہیں
روٹھے روٹھے میرے سرکار نظر آتے ہیں
صرف اظہار ََ محبت کے سوا کیا ہے قصور
آپ کو ہم جو خطا وار نظر آتے ہیں
جن سے امید تھی کل میری گواہی دیںگے
وہ بھی قاتل کے طرفدار نظر آتے ہیں
مجھکو بن دیکھے جنہیں چین نہ آتا تھا کبھی
اب وہی شکل سے بےزار نظر آتے ہیں
انکو تو میرے رقیبوں نے کیا ہے رسوا
اور ہم انکو گنہگار نظر آتے ہیں
ہر کفَ پا پہ جھکاتے نہیں اپنی گردن
اب تو دیوانے بھی خود دار نظر آتے ہیں
ہم تو غم پا کے بھی خوش حال بہت ہیں تصدیق
وہ خوشی لے کے بھی مردار نظر آتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?