By: Muhammad Faisal
مجھے دینا سرِ محشر سہارا یا رسول اﷲ ﷺ
کرم کی اک نظر کرنا خدارا یا رسول اﷲ ﷺ
تری قربت کو ہے یہ مضطرب جانِ حزیں میری
تری فرقت میں ہے دل پارہ پارہ یا رسول اﷲ ﷺ
زہے قسمت ترے دربار میں ہو حاضری میری
بلاوے کا مجھے بھی ہو اشارہ یا رسول اﷲ ﷺ
تصور گنبد خضریٰ کا دل میں جاگزیں یوں ہو
نہ بھائے پھر کوئی منظر دوبارہ یا رسول اﷲ ﷺ
مرا مدفن مدینے میں مقدر کاش ہو جائے
ملے یہ نعمتِ عظمیٰ خدارا یا رسول اﷲ ﷺ
اُڑائے بادِ طیبہ میری خاکِ تن کو گلیوں میں
مدینے میں پھروں یوں مارا مارا یا رسول اﷲ ﷺ
بہت مجبور و بے کس اُمّتی ہے فیصلؔ خستہ
مگر جیسا بھی ہے وہ ہے تمھارا یا رسول اﷲ ﷺ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?