By: muhammad nawaz
تیری محفل میں آئے ہم تو حاضر اور ہی کچھ تھا
تقاضہ اور تھا دل کا ،میسر اور ہی کچھ تھا
پڑا تھا سامنے میرے نہ شیشہ تھا نہ پانی ہی
نہ آیا جب تلک ساقی تو ساغر اور ہی کچھ تھا
کبھی جس کو کسی کی نیلگوں آنکھوں سا کہتے تھے
جو دیکھا ڈوب کے اس میں،سمندر اور ہی کچھ تھا
نہیں تھا اپنی قسمت میں کسی کا ہمقدم رہنا
لکیریں جھوٹ کہتی تھیں،مقدر اور ہی کچھ تھا
نہ تن اپنا، نہ سانس اپنی نہ گھر نہ یہ زمیں اپنی
جسے ہم جینا کہتے تھے وہ چکر اور ہی کچھ تھا
فقط پتھر ہی پتھر تھے وہ سارے موم کے پیکر
حقیقت اور ہی کچھ تھی ،بظاہر اور ہی کچھ تھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?