By: Shabbir Nazish
جس گھڑی تیرے رُوبرو ہم تھے
سُرخ پھولوں سے سُرخرو ہم تھے
آئنہ دِید کو ترستا تھا
ہم تھے جب ایسے خوبرو، ہم تھے
وہ بھی جب تھا تو کوبکو وہ تھا
ہم بھی جب تھے تو چارسُو ہم تھے
ہر کوئی محوِ گفتگو تھا وہاں
اور موضوعِ گفتگو ہم تھے
کیوں ہمیں گلستاں میں بھیجا گیا؟
کِن بہاروں کی آرزو ہم تھے؟
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?