By: dr.zahid Sheikh
روشنی کو پھیلا نہ پائے تم
اک دیہ بھی جلا نہ پائے تم
کتنے روتے ہوئے سے چہرے ہیں
ایک کو بھی ہنسا نہ پائے تم
ہے چمن آج بھی ویران بہت
کوئی غنچہ کھلا نہ پائے تم
پاس بیٹھے رہے تھے دیر تلک
میرے دل کو لبھا نہ پائے تم
یہ تمھاری ہی بے وفائی تھی
مجھ کو اپنا بنا نہ پائے تم
وقت رخصت قریب آ پہنچا
اور اپنی سنا نہ پائے تم
جس نے الفت میں بے وفائی کی
اس کو زاہد بھلا نہ پائے تم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?