By: Pir Syed Naseer ud Din Naseer
گلزار مدینہ صل علیٰ رحمت کی گھٹا سبحان اللہ
پر لطف فضا ماشاء اللہ، پر کیف ہوا سبحان اللہ
اس زلف معبر کو چھو کر، مہکاتی ہوئی، اتراتی ہوئی
لائی ہے پیام تازہ کوئی، آئی ہے صبا سبحان اللہ
والشمس جمال ہوشربا، زلفیں واللیل اذا یغشیٰ
القاب سیادت قرآن میں یسیں، طٰہٰ سبحان اللہ
ہونٹوں پہ تبسم کی موجیں، ہاتھوں میں لئے جام رحمت
کوثر کے کنارے وہ ان کا انداز عطا سبحان اللہ
معراج کی شب حضرت کا سفر، افلاک کی رونق سر تا سر
مہتاب کی صورت روشن ہے نقش کف پا سبحان اللہ
کہنے کو تو نعتیں سب نے کہیں، یہ نعت نصیر آفاقی ہے
کتھے مہر علی کتھے تیری ثنا، کیا خوب کہا ! سبحان اللہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?