By: dr.zahid sheikh
تو چیخ ہونٹوں کو سینے سے فائدہ کیا ہے
جہاں میں گھٹ کے یوں جینے سے فائدہ کیا ہے
اتر کے دل میں لگا دیں گے آ گ دوزخ کی
بہا دے اشکوں کو پینے سے فائدہ کیا ہے
بدل سکے جو مشقت کبھی نہ تیرے حالات
تو پھر جبیں پہ پسینے سے فائدہ کیا ہے
نکال کر تو جسے اپنے کام لا نہ سکے
زمیں کے ایسے دفینے سے فائدہ کیا ہے
سکون چھین کے راتوں کی نیند کو لوٹے
تجوریوں میں خزینے سے فائدہ کیا ہے
ہے خود سہارے کا محتاج اس سے کیا امید
بھنور میں ٹوٹے سفینے سے فائدہ کیا ہے
پہن نہ ہاتھ میں بدلے گا نہ یہ تیرا نصیب
ہاں کام کر کہ نگینے سے فائدہ کیا ہے
کشادہ دل کو ہی ملتی ہیں راحتیں زاہد
چھپا نہ سینے میں کینے سے فائدہ کیا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?