By: Ahber
خوشی منائو نبی عرش کے مہمان ہوئے
خُدا کے روبرو دونوں جہاں کی جان ہوئے
بُراق مچلتا پھرتا تھا ارد گرد اُن کے
سُکون اُسکا ہوئے آپ اُسکا مان ہوئے
صفاتِ عرش بھی جلوہ گری پہ نازاں ہیں
نعلینِ پاک کے اُس پر بھی تو نشان ہوئے
نبی تمام اِمامت کے مُنتظر ٹھہرے
شایانِ شان ہے اُن کے کہ وہ ذیشان ہوئے
نظرِ جبرئیل نے حیرت سے یہ منظر دیکھا
جہاں مکاں نہیں اُن کے وہاں مکان ہوئے
آج مقبول دُعا سب کی ہے آقا کے طُفیل
وہ خوش ہیں ، پہلے جو عہبر تھے پریشان ہوئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?