By: azharm
بادل، چندا، آنکھ مچولی
کیا چکر ہے، رات یہ بولی
نکلا تھا میں، سورج چمکا
پھر تو بدلی سر پر ہو -لی
اُس کو میرے نام سے چھیڑا
تاروں کی تھی شیطاں ٹولی
بانہوں میں تھاما تھا میں نے
کس کارن وہ اتنا ڈولی
اُس کی خوشبو جب تک آئے
میں نے بھی تو آنکھ نہ کھولی
منظر سارے گیت سُنائیں
اور کہار اُٹھائے ڈولی
اُس کو اظہر ملنا ہو گا
سونا تھا جو قسمت سو لی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?