By: Sara Afzal
نجانے کل کہاں رک جائے گا یہ کارواں میرا
کہاں تک لے گی قسمت کیا خبر ہے امتحاں میرا
محبت جب ہوئی تم سے تو پایا زیست کا مقصد
مجھے محسوس ہوتا ہے کوئی ہے مہرباں میرا
مرا گھر میری جنت ہے یہ جنت مجھ کو پیاری ہے
یہی تو میرا سب کچھ ہے یہی تو ہے جہاں میرا
مجھے اپنی پناہوں میں ہی رکھنا اے مرے ہمدم
مرے سر سے ہٹے نہ زندگی میں سائباں میرا
تمنا ہے تمہارا ساتھ ہو اور پھر قیامت تک
ستاروں پر رہوں جا کر وہیں ہو اک مکاں میرا
خفا ہونا نہ تم سے التجا اتنی ہے سارہ کی
مجھے ڈر ہے کہ دشمن ہو نہ جائے آسماں میرا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?