By: dr.zahid Sheikh
جب تبسم تیرے ہونٹوں سے عیاں ہوتا ہے
مسکراتے ہوئے پھولوں کا گماں ہوتا ہے
جب اٹھا دیتی ہو چہرے سےحیرانی میں نقاب
ہر طرف مہکی بہاروں کا سماں ہوتا ہے
شوخ نظروں سے جو تکتی ہو کبھی ہنس ہنس کے
میرے سینے میں کوئی شعلہ جواں ہوتا ہے
یوں نہ بکھرایا کرو شانے پہ میرے زلفیں
ایسے میں ضبط بھلا مجھ سے کہاں ہوتا ہے
تجھ سے اظہار محبت کا ہے انداز یہی
میرے گیتوں میں ہی سب حال بیاں ہوتا ہے
میری محبوب ! تجھے پیار کروں گا میں سدا
ہر گھڑی دل مرا تیرا ہی مکاں ہوتا ہے
چوم لوں گا ترے پیروں کو بڑی الفت سے
ایسا محبوب بھی دنیا میں کہاں ہوتا ہے
حوصلہ دل میں رہے ،پیار نبھانا ہے کٹھن
پیار ہو جائے تو دشمن یہ جہاں ہوتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?