By: AzharM
ذرا فراغ ملے، اپنی داستاں لکھ دوں
لگے ہیں زخم بھی جانے کہاں کہاں لکھ دوں
بچا نہ کچھ بھی مرے پاس ،جو بھی لکھا تھا
بکھر گئے ہیں وہ پنے یہاں وہاں، لکھ دوں
وہی ہے میری محبت، وہ دل کا چین بھی ہے
اُسی کو جان بھی کہ لوں، اُسےجہاں لکھ دوں
وہیں ہے در بھی، وہ دیوار بھی وہیں، لیکن
بکھر گیا جو بنایا تھا آشیاں، لکھ دوں
بس اس جہان میں اک میں ہی رہ گیا اظہر
بدل گئے ہیں زمیں اور آسماں لکھ دوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?