By: وشمہ خان وشمہ
ہر طرف ہجرتوں کاعالم ہے
میرا ہمزاد مجھ سے برہم ہے
میرے محبوب اب بھی آنکھوں میں
تیری یادوں کا سبز موسم ہے
رات کٹتی ہے تیری یاد کے ساتھ
دن بھی تیرے خیال میں گم ہے
کوئی بادل برس گیا مجھ پر
میری آنکھوں میں اب جو شبنم ہے
میرے چہرے پہ کرب کا سایہ
درد ، تنہائی اور ماتم ہے
جس نے جینا سکھا دیا سب کو
کیوں زمانے سے آج برہم ہے
زخم رستا ہے رات بھر وشمہ
یہ وفاؤں کا کیسا مرہم ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?