By: Muhammad Shariq
کل جو انڈہ اک رکھا تھا نعمت خا نے میں
آج وہ بھی نہ مل سکا رات کے کھانے میں
اے مہماں بتا تری کس طور تواضع کریں ہم
پیسےجو ہیں خرچ ہوجائیں گے آنے جانے میں
دھوپ کا چشمہ لگائیں اور خوب برف کھائیں
موسم کا لطف یوں اٹھائیں اس زمانے میں
مرچ کی تیزی تیرے مزاج جیسی لگتی ہے
ناچ کا مزہ آ گیا آج تو کھانا کھانے میں
اس شوخ نے منہ دھو کر جان ہماری بچا لی
ذرا سی کسر رہ گئی تھی قربان جانے میں
ضبط و تحمل، ایثار و عجز کا پیکر بنے رہے وہ
حشر کا سماں تھا بپا بارات کے کھانے میں
چائے دس بار تو پلائی ہوگی کم و بیش ہم نے
خرچہ بہت ہو گیا ان کے ناز اٹھانے میں
گر بہک گئے سڑک کنارے تو جیب ہی کٹے گی
دیکھئے مزہ خاص ہے سر راہ پینے پلانے میں
آج رات لطف جہاں گردی پھر سے دو بالا کریں
صبح کو کوئی پا ہی لے گا کسی تھانے میں
شارق شوخی حسینوں سے کیجئے، کہ انہیں
مزہ آتا ہے مچل جانے میں، سنبھل جانے میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?