By: Sara Afzal
تمہارے پیار کی بارش میں بھیگنا چاہوں
ہر ایک لمحہ تمہیں پاس دیکھنا چاہوں
تمام رات کرو پیار کی حسیں باتیں
تمہارے ساتھ میں اس رات جاگنا چاہوں
یہ پیار مجھکو نہ پاگل کہیں بنا ڈالے
بسا کے دل میں تمہیں میں تو پوجنا چاہوں
خیال و خواب میں اب اور نہ کوئی آئے
میں سوتے جاگتے بس تم کو سوچنا چاہوں
بڑی مرادوں سے یہ چودھویں کی رات آئی
تمہاری بانہوں میں میں آج جھولنا چاہوں
منافقت میں ہیں سب لوگ آج ڈوبے ہوئے
میں سارہ ان سے بہت دور بھاگنا چاہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?