By: siraj aalam
خواہشیں اپنی دبانے بھی نہیں دیتا ہے
خواب پلکوں پے سجانے بھی نہیں دیتا ہے
یہ تکبر ہے یا پھر کوئی ادا ہے اس کی
روٹھ جاتا ہے منانے بھی نہیں دیتا ہے
یاد بن کر وہ مرے ذہن میں آجاتا ہے
مجھ کو تنہائی میں جانے بھی نہیں دیتا ہے
اک مرا پیشہ جو کہتا ہے کہ ہجرت کر لے
اک تیرا پیار جو جانے بھی نہیں دیتا ہے
آنکھوں آنکھوں میں چُرا لیتا ہے دل کو عالم
اور مجھے شور مچانے بھی نہیں دیتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?