By: Shabbir Nazish
رہینِ ہجر ہیں گوشہ نشینیاں میری
یقین کیسے کریں بے یقینیاں میری
مرے مزاج میں شامل نہ تھا یہ رُوکھا پن
کسی نے چھین لیں مجھ سے شرینیاں میری
مَیں دل کی دل میں چھپا لوں کسی بھی طور مگر
یہ بھید کھولتی آنکھیں کمینیاں میری
سِکھا رہے ہیں مجھے جھوٹ بولنا کچھ لوگ
اُنھیں پسند نہیں نکتہ چینیاں میری
کچھ اور کہتے ہوئے لوگ، روگ، سوگ اور جوگ
کچھ اور کہتی ہوئی پیش بینیاں میری
مَیں عشق پیچاں سے ٹوٹا، کہاں کہاں نہ گیا
اُڑائے پھرتی رہیں بے زمینیاں میری
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?