By: Tasdiq Ahmed Khan
چاہو جو روزَ حشر شفاعت رسول کی
دل میں بسا لو اپنے محبت رسول کی
وہ جنتی ہے ہم نے پڑھا ہے حدیث میں
دیکھی ہے جس نے آنکھوں سے صورت رسول کی
حقدار میں بھی بن سکوں فردوس کا خدا
خوابوں میں ہی کرا دے زیارت رسول کی
سدرا سے عرش عرش سے لیکر زمین تک
جانے کہاں کہاں ہے نبوت رسول کی
دی ہیں دعائیں مرحبا کھا کھا کے گالیاں
دشمن پہ بھی ہوءی ہے عنایت رسول کی
انگلی کے اک اشارے سے شق چاند ہو گیا
بے مثل ہے جہاں میں کرامت رسول کی
قرآن اور حدیث کو رہبر بنائیے
گر چاہتے ہیں آپ قیادت رسول کی
عالم میں مسلمان پریشاں ہیں اس لئے
دل سے بھلائے بیٹھے ہیں سنت رسول کی
سایہ نہیں ہے پھر بھی زمانہ کہے بشر
تصدیق رب ہی جانے حقیقت رسول کی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?