By: خمار دہلوی
موسمِ برسات ہے لیکن گھٹا چھائی نہیں
آپنے شاید ابھی تک زلف لہرائی نہیں
ہر کوئی شیدا ہے تجھ پہ دولتِ دنیا مگر
اِک مرا ہی دل ہے جو تیرا تمنّائی نہیں
ایک کڑوا سچ ہے یہ بھی اس مشینی دور میں
وقت کس کے پاس ہے اب کون ہرجائی نہیں
ایسے بھی کچھ اہلِ اردو ہیں جنہوں نے آج تک
تختی اپنے نام کی اردو میں لکھوائی نہیں
اے "خمار" اب دشمنوں ہی سے رکھینگے واسطہ
دوستوں کی دوستی تو ہمکو راس آئی نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?