By: Muhammad Faisal
مفلسِ زندگی اب نہ سمجھے کوئی مجھ کو اُلفت کا تیری گہر مل گیا
نہ تعجب کریں میرے حالات پر ایک پتھر کو بھی دیدہ ور مل گیا
تیری چشمِ کرم ہے میرے حال پر تیرے سائے ہیں میرے خدوخال پر
اس عنایت کا میں مستحق تو نہیں مجھ کو قسمت سے کیسا بشر مل گیا
یہ حقیقت ہے کوئی فسانہ نہیں گو تیرا قدر داں یہ زمانہ نہیں
میری نظروں سے لیکن جو دیکھے کوئی مفت میں مجھ کو لعل و گہر مل گیا
میرے اشک رواں ہوں تری رہ گذر میرا قلبِ حزیں ہو تیرا مستقر
تیرا ممنون فیصلؔ رہے عمر بھر کیسا پارس سرِ رہ گذر مل گیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?