By: Dr.Muhammed Husain Mushahid Razvi
پھر دل میں اُٹھی یادِ مغیلانِ مدینہ
اے کاش کہ مل جاے بیابانِ مدینہ
سر ہے وہی سرجس میں ہو آپ کا سودا
ہے دل وہی ، جو دل سے ہو قربانِ مدینہ
ہے روئے منّور کی بھی قرآں میں قسم جب
کیا حُسن بیاں ہو آپ کا سطانِ مدینہ
فرقت کو رفاقت سے بدل دیں مرے آقا
مدّت سے مرے دل میں ہے ارمانِ مدینہ
قربان ہوئے جاتے ہیں جنت کے بھی گلزار
کس شان سے پھولا ہے بیابانِ مدینہ
ہر کوئی تو جنت کی ہی نہروں کا ہے پیاسا
ہر نہرِ جناں تشنۂ نیسا نِ مدینہ
کیا جِنّ و ملک ، حور وپری جس کو بھی دیکھو
ہے نَوعِ خلائق سبھی قربانِ مدینہ
ہے عشقیؔ و عینیؔ و رضاؔ نوریؔ کی برکت
میں بن گیا یارو! جو ثنا خوانِ مدینہ
یاشاہِ امم لکھّے سدا نعت مُشاہدؔ
ہو اُس پہ کرم از پَے حسانِ مدینہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?