By: اُسامہ علی
ابھی نئے ہو تو شاید وفا دغا نہ لگے
خدا کرے کہ تجھے شہر کی ہوا نہ لگے
بس ایک بار لگی تھی تری گلی کی ہوا
اور اب یہ حال کہ کوئی دعا، دوا نہ لگے
پھنسا ہوں سحر بیانی کے جال میں تیری
میں صید وہ ہوں کہ صیاد بھی برا نہ لگے
میں چاہتا ہوں عدالت میں فیصلہ وہ کرے
وہ عمر قید سنا دے مجھے سزا نہ لگے
مطالعہ سبھی مضمون کر چکا ہوں مگر
مجھے تو یہ بھی ترے ذکر سے جدا نہ لگے
خموش لب سے اسے چاہتا رہوں کہ علیٓ
یہ رسمِ عشق چلے اور اسے پتہ نہ لگے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?