By: Shams Bhopali
حسابوں سے بڑھ کر دئے جا رہا ہے
وہ احساں پہ احساں کئے جا رہا ہے
ہے رگ رگ میں انسان کی ناسپاسی
کرم پھر بھی مالک کئے جا رہا ہے
سڑک پر ہیں لاشوں کے انبار بکھرے
جسے دیکھئے منہ سئے جا رہا ہے
لگی بددعا ساقی، واعظ کی تجھکو
جو آتا ہے وہ بن پئے جا رہا ہے
ہر اک شخص کی داستاں بس یہی ہے
کہ زندہ نہیں ہے، جئے جا رہا ہے
جو پوچھا، کہا امن کا ہوں میں راہی
جو دیکھا تو خنجر لئے جا رہا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?