By: کاشف علی ہاشمی
خوش ہو تو لوں، پر اِس دلِ ویراں کا کیا کروں
مجھ میں سسکتے مجھ سے پریشاں کا کیا کروں
لوٹ آنا ٹھیک ، تیری پشیمانیاں بھی ٹھیک
لیکن بتا کہ جاتی ہوئی جاں کا کیا کروں
غم کا، خوشی کا دل ہی جب ادراک کھو چکا
گلشن کا کیا کروں گا، بیاباں کا کیا کروں
ارماں نہیں ہے کوئی بھی، سب کرچکا ہوں دفن
اس دشتِ جاں میں شہرِ خموشاں کا کیا کروں
کیا راکھ کرکے خود کو فضا میں بکھیر دوں
اِس عشق کا، اِس آتشِ پنہاں کا کیا کروں
ٹھکرا دیا گیا ہوں کوئی مانتا نہیں
بکھرے یہ بال، چاک گریباں کا کیا کروں
کھا تو گئی ہیں شہرِ نگاراں کو ظلمتیں
کاشفؔ تری یہ چشمِ فروزاں کا کیا کروں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?