By: Azra Naz
کبھی جب وہ ہمارے دِل کا کہنا مان لیتے ہیں
جنم دِل میں ہزاروں پیار کے طوُفان لیتے ہیں
سلیقہ ہم کو آیا ہی نہیں اِنساں پرکھنے کا
وگرنہ ریت سے بھی لوگ سونا چھان لیتے ہیں
ہماری سادگی کو خود فریبی مت سمجھ لیجے
نظر سے ہم تو نیت آپ کی پہچان لیتے ہیں
فریبِ زندگی کھاتے ہوۓ دیکھا سدا اُن کو
لفافے سے جو اکثر خط کا مضموں جان لیتے ہیں
دبے پاؤں اگرچہ توُ گذرتا ہے سدا دِل سے
ترِے قدموں کی آہٹ ہم مگر پہچان لیتے ہیں
اکیلا چھوڑ جانا راستے میں جِن کی عادت ہو
ہمیشہ ساتھ دینے کا وہی پیمان لیتے ہیں
ہمیں جینا ہے عذراؔ اپنی ہمت کے بھروسے پر
نہ ہم اپنوں نہ غیروں کا کبھی احسان لیتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?