By: muhammad nawaz
یہ نہیں سوچنا کہ تم نے یہ حالت کی ہے
جان من ہم نے کبھی تم سے شکایت کی ہے؟
نارسائی سے بھلا جذبے کہاں مرتے ہیں
خاک حاصل کیلئے ہم نے محبت کی ہے
پھول کا رنگ فضاؤں میں بکھرنا چاہے
ہو نہ ہو آپکے ہونٹوں نے شرارت کی ہے
آج ہے جس پہ گئے وقت کی پرچھائیاں سی
مدتوں ہم نے اسی دل پہ حکومت کی ہے
کیسی حیرانی کہ اطراف میں پھیلے خوشبو
بات یہ ساری دل و جان صداقت کی ہے
خاک پہ رکھی جو احساس ندامت سے جبیں
لوگ سمجھے کہ بڑی آج عبادت کی ہے
دامن دل میں محبت کے سوا کچھ بھی نہیں
آپ نے ہم سے الجھنے کی حماقت کی ہے
حسن کے راز چھلکنے کی گھڑی آ پہنچی
عشق نے آج پلٹنے کی جسارت کی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?