By: Baba Bulley Shah
مُونہہ آئی بات ناں رہندی اے
جُوٹھ آکھاں تے کچھ بچدا اے
سچ آکھیاں بھانبھڑ مچدا اے
جی دوہاں گلاں توں جچدا اے
جچ جچ کے جیبھا کہندی اے
مُونہہ آئی بات ناں رہندی اے
جس پایا بھید قلندر دا
راہ کھوجیا اپنے اندر دا
او واسی ہے سُکھ دے مندر دا
جِتھے کوئی چڑھدی ناں لِہندی اے
مُونہہ آئی بات ناں رہندی اے
اک لازم بات ادب دی اے
سانوں بات ملومی سبھ دی اے
ہَر ہَر وچ صورت رب دی اے
کِتھے ظاہر، کتھے چھپیندی اے
مُونہہ آئی بات ناں رہندی اے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?