By: طالب حسین ثباؔت
تمھارے سوا مدعا کچھ نہیں ہے
رضا مند ہو تو دعا کچھ نہیں ہے
ترے پاس تارے ہزاروں ہیں لیکن
مرے پاس تیرے سوا کچھ نہیں ہے
لکھا ہے ترا نام ہی دل پہ ہم نے
تمنّا تمھارے سوا کچھ نہیں ہے
نہیں گر بھروسہ تو دل چیر دیکھو
مرے دل میں تیرے سوا کچھ نہیں ہے
مجسّم حیا نے عجب بات کی ہے
جہاں کےلیے اب حیا کچھ نہیں ہے
ملا ہو گا کچھ لوگوں کو پیار سچّا
جفا کے سوا تو ملا کچھ نہیں ہے
چمن میں تھا رقصاں بڑے ناز سے مور
کہا میں نے تیری ادا کچھ نہیں ہے
بہت آزمایا ہے دنیا کو ہم نے
ثباؔت الفتوں کی جزا کچھ نہیں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?