By: عبدالحمید ہنر، ناسک، مہاراشٹر (انڈیا)
فصیل ہجر کو مسمار تم کروگے کہ میں؟
کہ راہ عشق کی ہموار تم کروگے کہ میں؟
کسی طرح تو مرے دل میں بات جا اُترے
دل رقیق کو تیار تم کروگے کہ میں؟
یہ روگ عشق کا دونوں کو ایک ساتھ ہوا
بتائو عشق کا اظہار تم کروگے کہ میں؟
تمہاری قید سے میں بے گناہ چھوٹا ہوں
یہ بات زینت اخبار تم کروگے کہ میں؟
سزائے عشق میں دار و رسن تو لازم ہیں١
تو خود کو پہلے سر دار تم کروگے کہ میں؟
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?