By: Mian Amar
فکرِ دنیا میں زیست گزار رہا ہوں
میں جیسے کوئی قرض اُتار رہا ہوں
اُجڑے ہوئے گلستاں کو اے باغباں
اپنے خونِ جگر سے نکھار رہا ہوں
میری صدا سُن یا نہ سُن تیری مرض
ایک زمانے سے تجھے پکار رہا ہوں
تُو کوئی چال چلنے کی نہ کر زحمت
میں خود جیتی بازی ہار رہا ہوں
اب تو بتا دو ہنسنے کی کوئی ترکیب
میں اک عمر سے اشکبار رہا ہوں
روز اک نئی خواہش جنم لیتی ہے امر
روز ہی اک خواہش کو مار رہا ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?