By: وشمہ خان وشمہ
تِیر پھینکا ہوا گمان میں ہے
زندگی تو ابھی کمان میں ہے
زور چلتا نہیں وفاؤں کا
کیا محبت کے کاروان میں ہے
ساتھ رہتا ہے روح کا پنچھی
کچھ تو ایسا مری اڑان میں ہے
کیسے باتوں سے دلکشی جھانکے
جب یہ دردِ دہن زبان میں ہے
تیری خواہش میں ٹوٹتا ہے بدن
جانے کیا کیا ترے جہان میں ہے
سرخ ہونٹوں کو چومتی کرنیں
سب نگاہوں کی داستان میں ہے
عزم و ہمت کی داستاں وشمہ
میری کشتی کے بادبان میں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?