By: Dr. Humera Islam
اس انجمن میں اب کوئی اپنا نہیں رہا
جو دکھ ملا اُس کو کسی سے نہیں کہا
چھوڑا جو تم نے ہاتھ تو یک لخت زیست میں
جینے کا میرے کوئی سہارا نہیں رہا
دل میں سوراخ کر گیا ننھا سا اِک وجود
وہ اشک جو کہ آنکھ سے میری نہیں بہا
حالِ دل ان سے کہا رات کو پھر خواب میں
لیکن بہت ہی کم سارا نہیں کہا
اپنا سامان اٹھائیے اور کوچ کیجیئے
آنکھوں نے اُن کی اس کے سوا کچھ نہیں کہا
مشکل بہت لگے گا اُن سے بچھڑ کے جینا
یہ دل میں میں نے سوچا ان سے نہیں کہا
دل شِکستہ بزم سے جو ان کی چل پڑے
رکنے کو ایک بار بھی اُس نے نہیں کہا
وہ مجھ کو یاد کرتے ہیں روتے ہیں رات بھر
پانے کا مجھ کو جب انہیں یارا نہیں رہا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?