By: Azra Naz
وقت کی ایک ڈھال ہیں وہ لوگ
جو وفا کی مثال ہیں، وہ لوگ
ہم جنھیں جان ہی نہیں سکتے
ایک الجھا سوال ہیں وہ لوگ
کل جنھیں اختلاف تھا مجھ سے
اب مرے ہم خیال ہیں وہ لوگ
جن سے قائم ہے عظمتِ آدم
ایک زندہ مثال ہیں وہ لوگ
حسنِ سیرت سے جو ہیں مالامال
کس قدر با کمال ہیں وہ لوگ
جو خودی کا بھی کر چکے سودا
آج رو بہ ذوال ہیں وہ لوگ
بوجھ اپنا جو نہ اٹھا پائیں
اس زمیں پر وبال ہیں وہ لوگ
جن میں انسانیت رہی عذراؔ
باعثِ صد کمال ہیں وہ لوگ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?