By: وشمہ خان وشمہ
آرزو میں کمی نہیں ہوتی
غم سے یہ دشمنی نہیں ہوتی
اب اُٹھائیں گے ہم جو دیواریں
بیچ میں تشنگی نہیں ہوتی
میری تنہائی میں وہ رہتا ہے
سنگ اب عاشقی نہیں ہوتی
اور بھی مسئلے ہیں دنیا میں
کوئی بھی دل لگی نہیں ہوتی
لڑ گئے کیا اصول کی خاطر
اُس سے اب دوستی نہیں ہوتی
رونق بزم ہو گئی رُخصت
یارو اب روشنی نہیں ہوتی
وہ مرے روبرو رہے وشمہ
بس مجھے عاجزی نہیں ہوتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?