By: وشمہ خان وشمہ
فکرِ سود و زیاں میں زندہ ہوں
میں بھی تیرے جہاں میں زندہ ہوں
مرگئی ہوں کسی کی صورت پر
قفسِ خوش گماں میں زندہ ہوں
زندہ رکھتی ہوں خود کو تیرے لیے
خلوتوں کے مکاں میں زندہ ہوں
شہر کے لوگ جاننے ہیں مجھے
کوچہءِ مہرباں میں زندہ ہوں
آج کل کتنی اضطرابی سے
رونقِ گلستاں میں زندہ ہوں
مرگئے زندگی کے اب نغمے
میں مگر کارواں میں زندہ ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?