By: Saghar Saddique
ہَر شے ہے پُر ملال بڑی تیز دُھوپ ہے
ہَر لب پہ ہے سوال بڑی تیز دُھوپ ہے
چکرا کے گِر نہ جاؤں میں اِس تیز دُھوپ میں
مُجھ کو ذرا سنبھال بڑی تیز دُھوپ ہے
دے حکم بادلوں کو خیابان نشین ہُوں
جام و سبُو اُچھال بڑی تیز دُھوپ ہے
ممکن ہے ابرِ رحمتِ یزداں برس پڑے
زُلفوں کی چھائوں ڈال بڑی تیز دُھوپ ہے
اب شہر آرزو میں وہ رعنائیاں کہاں
ہیں گُل کدے نڈھال بڑی تیز دُھوپ ہے
سمجھی ہے جس کو سائیہ اُمید عقلِ خام
ساغر کا ہے خیال بڑی تیز دُھوپ ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?