By: فیصل سعید فیصلؔ
ترے ہات میں مرا ہات ہو مرے ہم نشیں دلِ مِہْرواں
تری ذات ہی مری ذات ہومرے ہم نشیں دلِ مِہْرواں
رُخِ کَـہْکَشاں گُـلِ آتِـشِیں
رگِ ہائے گُل سا ترا بدن
مری حَـسْرَتوں کـو تـمام کـر
مری خواہشوں کو بھی دے بدن
تـجھے فرقـتوں کا ہے واسطہ
کوئی رات ایسی بھی رات ہو
تری جیت ہو مری مات ہو مرے ہم نشیں دلِ مِہْرواں
مـرا جسم تـیری گـرفت میں
مری رُوح تیرے حصار میں
مجھے لَمْس کی وہ شراب دے
رہوں عمر بھر میں خمار میں
شبِ وصل کوئی حساب کیوں
میں ہوں تشنہ لب تو فرات ہو
تری ذات ہی مری ذات ہو مرے ہم نشیں دلِ مِہْرواں
کبھی تم جو کوئی غزل لکھو
مجھے سوچ لو مرے ہم نشیں
کبھی تـم لکھو مجھے آتـشیں
کبھی تم کـہو مجھے یاسْـمِیں
دلِ بے سـکوں کا ہو تـذکرہ
دلِ بے کراں کی بھی بات ہو
تری ذات ہی مری ذات ہو مرے ہم نشیں دلِ مِہْرواں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?