By: وشمہ خان وشمہ
مشکلوں میں ہی ڈال رکھا ہے
جس کا ہر دم خیال رکھا ہے
کیسا تِل ہے جناب کے رُخ پر
سب کو حیرت میں ڈال رکھا ہے
تیری ہجرت کے خالی کمرے میں
تیری یادوں کو پال رکھا ہے
درد پہلے تھا مشرق و مغرب
اب جنوب و شمال رکھا ہے
آ بھی جاؤ نہ موت سے پہلے
زندگی کو سنبھال رکھا ہے
تیری سانسوں سے سانس کا رشتہ
میں نے ہر دم بحال رکھا ہے
سب ہے اُس کی ہی ذات میں وشمہ
جس قدر بھی کمال رکھا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?