By: Azra Naz
میں تمہارے نام کو نا معتبر کیسے کروں
بِن تِرے آباد اِس دِل کا نگر کیسے کروں
پھیر لوُں آنکھیں وفا سے کِس طرح ممکن ہے یہ
زندگی بھر کی عبادت بے ثمر کیسے کروں
وہ چلا آۓ گا اِک لمحے میں پرُسش کو مرِی
ہے یقیں مجھ کو ، مگر اُس کو خبر کیسے کروں
حسنُ کا شیدا ہے، اُس کو چاندنی سے پیار ہے
جانتی ہوں ، خود کو پر رشکِ قمر کیسے کروں
اپنے اشکوں کو بنانا چاہتی ہوں آگ میں
کویٔ سمجھاۓ کہ شبنم کو شرر کیسے کروں
صبر کا دامن کِسی حالت میں اپنے ہاتھ سے
چھوڑ کر عذراؔ دُعایںٔ بے اثر کیسے کروں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?