By: muhammad nawaz
حضور خاک مدینہ کا آسرا دیجئے
حضور تاج یہ سر پر میرے سجا دیجئے
نجانے کب سے ہیں بے دید نگاہیں میری
حضور ان پہ لعاب دہن لگا دیجئے
بڑی مدت سے میں نے زندگی نہیں دیکھی
حضور روضہ ء اطہر مجھے دکھا دیجئے
وہ جس سے روح بلالی فروغ پاتی ہے
مجھے بھی جینا اسی ذوق میں سکھا دیجئے
حضور آپکے قدموں پہ نگاہیں قرباں
میرا بھی سویا مقدر کبھی جگا دیجئے
پڑا ہوں کب سے تہی دامنی کے چنگل میں
حضور مجھ کو ہر اک قید سے چھڑا دیجئے
حضور آپکے ہاتھوں میں سبھی رستے ہیں
میں کھو گیا ہوں مجھے راستہ دکھا دیجئے
حضور رشک ہے مجھکو تیرے گداؤں پر
میری بھی ذات میں غنچے وہی کھلا دیجئے
حضور جنتوں کی بات برملا لیکن
مجھے مدینے کی گلیاں فقط پھرا دیجئے
ہاں چوم لینے دیں نعلین پاک کے تلوے
حضور زندگی کو معتبر بنا دیجئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?