By: Basheer Badr
کچھ نہیں اور تیرے ساتھ سوا چاہیے
اب مجھے مَے نہیں میکدہ چاہیے
ایک دن تجھ سے ملنے ضرور آؤں گا
زندگی مجھ کو تیرا پتا چاہیے
گھر کی دہلیز پر چاند سویا نہ ہو
صبح ہونے کو ہے لوٹنا چاہیے
اس زمانے نے لوگوں کو سمجھا دیا
تم کو آنکھیں نہیں آئینہ چاہیے
یہ زمیں آسماں کچھ نئے تو لگیں
مجھ کو ایسی نظر اے خُدا چاہیے
تم سے میری کوئی دشمنی تو نہیں
سامنے سے ہٹو، راستہ چاہیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?