By: Asif Jaleel
عورت کو فقط
حوا کی بیٹی نہ کہیے
یہ آدم کی اولاد بھی ہے
پھر اتنی تذلیل کس لئے
ہر گالی اس کے نام سے منسوب کس لئے
اس ذات کی یہ تحقیر کس لئے
اپنی ماں،بیٹی بہن کی
کہ جن کی عزت کے رکھوالے ہو تم
پاس و لحاظ والے ہو تم
یہی بیٹی جب غیر کی ہو تو
نظروں سے تولتے ہو تم
پلکوں سے نوچتے ہو تم
سُنو ائے ابن آدم
تم عورت سے ہو کیوں اس قدر تنگ؟
کہ وجۂ تخلیق بن کر
جس نے اس دھرتی پہ تم کو لایا
اسی کو تم نے زندہ کیوں جلایا
کہیں ہم نے دیکھے
کلیوں کے سودے
وہ مرجھا گئے
جو تھے ننھے سے پودے
اس قدر تضاد کیوں ہے؟
یہ فطرت برباد کیوں ہے؟
تُو اس کو نوچ کر بھی
شاد وآباد کیوں ہے،
تجھ میں ہوس کی
اتنی پیاس کیوں ہے۔۔
تیرا احساس کھوگیا ہے کہاں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?