By: Sidra Subhan
دیار دل میں عقیدتوں کا دھمال کر دوں اگر کہو تو
اداس رت کے تمام لمحے زوال کر دوں اگر کہو تو
بہت اندھیرا ہے جاں کدے میں، جلی بجھی بصارتیں ہیں
نظر اٹھا کر وفا کی شمعیں اجال کر دوں اگر کہو تو
ہجر کی آندھی سے لڑتے لڑتے بہت بیمار لگ رہے ہو
تمہارے چہرے کی زرد رنگت گلال کر دوں اگر کہو تو
تمہاری چاہت کی رہگزر سے میں فاصلوں کو سمیٹ لاؤں
وفا کے سارے ہی سلسلوں کو بحال کر دوں اگر کہو تو
میں زندگی کی تمام خوشیاں تمہاری جانب کو موڑ ڈالوں
مچلتی سانسوں کو خوشبوؤں سے نہال کر دوں اگر کہو تو
تمہارے لہجے کی بے بسی میں جو چیرے جھلک رہے ہیں
میں انکی سانسوں کو قید کر کے نڈھال کر دوں اگر کہو تو
یہ سارے دعوے عجیب لیکن ہمارا حتی الیقیں ہے سدرہ
جنوں کی شدت میں ڈوب کر یہ کمال کر دوں اگر کہو تو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?