By: وشمہ خان وشمہ
جو آدابِ الفت سکھایا کریں
مرے پیار کی بھی تمنا کریں
محبت بھی مجھ سے وہ مانگیں ضرور
مگر عشق میں بھی جلایا کریں
جنہیں میں نے مشکل سے رخصت کیا
وہی خواب دل میں اجالا کریں
نگاہوں میں بس جائے گی زندگی
مسلسل مری آنکھ دیکھا کریں
مرا آئینہ بن کے چاہت میں وہ
مجھے ہی محبت سے دیکھا کریں
یہ کاغذ کی ناؤ ہے بہہ جائے گی
سمندر کی تہہ میں نہ جایا کریں
لگا کر رقیبوں سے وہ دوستی
مرے دشمنوں کا وہ چرچا کریں
وہ وشمہ مرے ساتھ چلتے ہوئے
مرے بھی دکھوں کا مداوا کریں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?