By: وشمہ خان وشمہ
میں نے جگنو کو ہم نوا رکھا
تِیرگی میں سدا دیا رکھا
تیری خوشبو نہ مجھ سے کھو جائے
تجھ کو اپنا ہی بس بنا رکھا
باتیں کرتا تھا آسمانوں کی
جس نے مجھ کو ہے زیرِ پا رکھا
اُس کی آنکھوں کے سامنے اکثر
اپنی آنکھوں کا آئنہ رکھا
وہ جو ہونٹوں پہ کِھل رہی تھی کلی
نام اس کا ہے اب دعا رکھا
اپنے آنسو بنا لئے دریا
اور جاری یہ سلسلہ رکھا
اُس نے توڑا ہے واسطہ مجھ سے
دل میں وشمہ جسے سدا رکھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?