By: Akhtar Muslimi
تخلیقِ دو عالم ہے بفیضانِ محمد
دنیا کی ہر اک شے پہ ہے احسانِ محمد
یہ رتبئہ عالی ہے یہ ہے شانِ محمد
خود خالقِ عالم ہے ثنا خوانِ محمد
بخشا ہے لقب آپ کو رحمت کا خدا نے
ہر اِک کے لیے عام ہے فیضانِ محمد
توحید کی دولت سے بھرا دامنِ انساں
کیا کم ہے زمانے پہ یہ احسانِ محمد
پہچان لے اللہ کو ممکن ہی نہیں ہے
حاصل نہ ہوا ہو جسے عرفانِ محمد
کیوں لرزہ براندام نہ ہو سطوتِ شاہی
شاہوں سے بھی بڑھ کر ہیں غلامانِ محمد
آ دیکھوں ترا زور بھی اے مہرِ قیامت
ہے سر پہ مرے سایئہ دامانِ محمد
اختر مجھے دیکھیں گے تو بول اٹھیں گے قدسی
آیا وہ سرِ حشر ثنا خوانِ محمد
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?