By: Professor Inayat Ali Khan
وہ آخر اپنے گھر کا ہو گیا نا
کلیجہ سب کا ٹھنڈا ہو گیا نا
کہا تھا دوستی اتنوں سے مت کر
بوقت عقد پھڈا ہو گیا نا
کنکھیوں سے بہت تکتا تھا اس کو
وہ آخر کار بھینگا ہو گیا نا
بلا میک اپ اسے دیکھا ہی کیوں تھا
تمناؤں کا کونڈا ہو گیا نا
لفافہ بھی ملا ہے داد کے ساتھ
چلو کچھ دال دلیا ہو گیا نا
خدارا منہ پھلانا چھوڑ دو تم
کہ چہرہ تھوبڑا سا ہو گیا نا
غزل پڑھ کر یہاں بزم سخن میں
عنایت پیٹ ہلکا ہو گیا نا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?