By: UA
لٹا دی ہر خوشی اپنی محبت کے بھروسے پہ
مٹا دی زندگی اپنی محبت کے بھروسے پہ
جلا کر خاک کر ڈالا ہے ، قلب و جان کو یکسر
بجھا دی روشنی اپنی محبت کے بھروسے پہ
جوانی میں ضعیفی کی ردا کو اوڑھ رکھا تھا
جلا کر دلکشی اپنی محبت کے بھروسے پہ
شباب و رعنائی اپنی خزاؤں کے حوالے کی
گنوا دی تازگی اپنی محبت کے بھروسے پہ
انا پرست ہم جیسا نہیں کوئی مگر عظمٰی
بھلا بیٹھے خودی اپنی محبت کے بھروسے پہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?