By: اظہر اقبال
مجھ کو وحشت ہوئی مرے گھر سے
رات تیری جدائی کے ڈر سے
تیری فرقت کا حبس تھا اندر
اور دم گھٹ رہا تھا باہر سے
جسم کی آگ بجھ گئی لیکن
پھر ندامت کے اشک بھی برسے
ایک مدت سے ہیں سفر میں ہم
گھر میں رہ کر بھی جیسے بے گھر سے
بارہا تیری جستجو میں ہم
تجھ سے ملنے کے بعد بھی ترسے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?